نكت حسني مبارك

: نكت حسني مبارك
:



يقولك الحزب الحاكم في مصر قال للرئيس مبارك
يارئيس لازم تلقي خطاب وداعي للشعب
قال مبارك : هوهـ الشعب حيروح فين ؟!
===========================
الرئيس حسني مبارك يضرم في نفسه النار وسط
ميدان الحرية بالقاهرة مطالباً بتغيير الشعب ..

====================
النشيد الوطني للجمهوريه الخاص لحسني مبارك
ياللي أديت لحياتي حب وطعم ولون مش حتنازل عنك ابداً مهما يكون
=======================
الحصني ارسل رسالة لزين العابدين يقول فيها ..

اذا بتنام بدري حط المفتاح تحت الفرشه
======================
يقولون زين العابدين مجهز جدول وكاتب فيه

يوم السبت (الطبخ - حسني) (الكنس - زين)
يوم الأحد (الطبخ - زين) (الغسيل - حسني)
وباقي الأيام الأكل من المطعم
==============================
مذيعه فى التلفزيون تسأل صعيدى :
نجحت مظاهرات تونس فماذا تتوقع ان يحصل اذا نجحت المظاهرات فى مصر
رد الصعيدى : سدئينى راح نلعب مع تونس على النهائى
==============================
بن علي يتصل على حسني ويقول له (جب معك سروال سباحة ترى جدة غرقة )
==============================
ختاماً /
حسني مبارك على إذاعه fm و يهدي الشعب أغنيه ( أخصمك أة ...أسيبك لا ...

==============================
نكتة قديمة 0(حوار بين حسني مبارك وعاطف عبيد )
عندما حصل زلزال في مصر كان حسني في فرنسا وا اتصل عليه عاطف واليكم الحوار

عاطف : الو الحق يا ريس مصر اتعرضت لزال

حسني مبارك: روح اتصرف اي حاجة ياعاطف انا مش فاضي دلوقتي

عاطف: الو الحق يا ريس كتروا ضحايا زلزال ومرميين في كل حتة اعمل ايه يا ريس ؟

حسني : وبعدين معاك يا عاطف اتصرف اي حاجة وانا عينتك وزير ليه ؟ روح اتصرف اي حاجة

عاطف: الو الحق يا ريس دا السعودية بعتت 70 مليون جنية

حسني مبارك: ما تصرفشي حاجة يا عاطف انا جاي دلوقتي

========================================

واحد اتحشر في زحمة المرور فلقى واحد بيخبطله على شباك العربيه
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: ' و في المتوسط الناس بتتبرع بكام '
الرجل الثاني : ' من 5 الى 10 لتر بنزين


..............................................


مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه؟


ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك
ايه يا تامر؟
تامر : انا عندى 6 اساله


1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مص ر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟
.........................................


كان فى سرير المرض حينما أخذ يلقى بوصاياه الأخيرة لوزيره نظيف :
وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء


.........................................


إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات
؟
نظيف : سادات مين ياريس اللى كان بيخاف من الأم ريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ


............................................


مرة سيادة الريس مد إيده في جيبه لقي 5 مليون جنيه!!فزعل قوي وخاف
وقال إيه الفلوس دي؟ دي الفلوس دي حرام؟ فسأل أحد مساعديه فدله على
طريق الشيخ طنطاوي رئيس الأزهر وقال له: اسأل الشيخ وهو يقول لك الحل .
ما كدبش خبر وجري على طنطاوي وحكا له القصة فرد: 5 مليون بس إيه
النزاهة دي؟ دي بسيطة خالص يا ريس ما تزعلش نفسك؟ كل اللي هتعمله
هتروح وتطوف حول الكعبة 10 مرات .
الريس راح لقي عمنا صفوت فقال له: أنت بتعمل إيه هنا؟ أنت هتلف كام
لفة؟
عمنا صفوت :78 لفة.
الريس: يخرب بيتك أنت؟ ده أنت خربت البلد !!
عمنا صفوت: أنت جاي علي انا
؟



روح شوف علاء ابنك جايب موتوسيكل وبقاله 3 أيام بيلف
...........................................


مبارك ماشي في الصحرا شاف تمثال ، قال لحبيب العادلي شوفلي التمثال ده
بتاع مين يا حبيب ، ربع ساعة رجعله حبيب العادلي و قاله : ده رمسيس
التاني يا فندم ، مبارك قاله : عرفت منين ، العادلي رد : اعترف يافندم


.............................................


بيقولك واحد تانى لقى الفانوس السحرى ده دعكه طلعله العفريت
وقاله:شبيك لبيك تطلب أيه؟ قاله الراجل: أنا عايز كوبرى بين القاهره
وأسوان العفريت قاله: دى صعبه قوى نقى حاجه تانيه الراجل قاله:خلاص
خلى حسنى مبارك يسيب الحكم؛العفريت قاله:أنت عايز الكوبرى رايح جاى
ولا رايح بس






واحد موظف داخل السوق يشترى اى حاجة ياكلها سئل كيلو الحمة بكم قلةالجزار 30جنية اعد يدعى اللة يخرب بيتك يا صفوت سئل كيلو السمك بكام قلة بتاع السمك 15 جنية اعد يدعى اللة يخرب بيتك يا صفوت سئل بكام الفرخة قلة بتاع الفراخ 10جنية اعد يدعى اللة يخرب بيتك يا صفوت واحد مخبر سمعة قبض علية واخدة على القسم ودخل على الظابط قلة تمام يا فندم الظابط سئلة ماسك الراجل دة لية قلة مش عارف اسم الريس يا فندم
=================================================
بيقولك حسني كان عاوز يغيـر دولارات و مش لاقي في السوق , فراح منادي نظيف:
مفيش دولارات في السوق ليه يا انت نظفت السوق ؟ -
نظيف :الحج و العمرة ياباشا خلصوا على الاحتياطي -
بقولك ايه ..حج ابه وبتاع ايه .. من السنة الجاية الحج يبقى في مصر -
نظيف:يا باشا .. ازاي بس -
اتصرف -
بعد يومين رجع نظيف و قاله : كله تمام يا باشا خلاص الحج حيبقى عندنا
الريس: طب و الكعبة حتعمل فيها ايه ؟ -
حنعملها في ميدان الحجاز - مصر الجديدة و يبقوا يلفوا حواليها -
الريس: طب و السعي ؟ -
ياباشا يبقوا يجروا في طريق صلاح سالم لغاية المطار و يرجعوا -
الريس: و عرفه ؟ -
يطلعوا المقطم ياباشا -
الريس: طب و رجم إبليس يا فالح ؟ -
إتعب معانا شوية بقى يا ريس.......هههههههههههههههههه يا ريت الرجم يفوق
(حتي الحج عايزين يحرمونا منه ويخصخصوه...هديه لنظام الخصخصه)

======================================
بيقولك كمال الجنزوري جالو بعد ما شالوا من الوزارة وقالوا عايز أعرف انت
شيلتنى ليه ياريس
قالوا يا كمال يا حبيبي التغيير سُنة الحياه ، قالوا طيب شيلت وزير المواصلات
ليه
قالوا يا كمال يا حبيبي التغيير سُنة الحياة ،
قالوا طيب ممكن أسالك سؤال اومال ليه انت الوحيد اللى مابتتغيرش
قالوا ياحبيبي تغييركم انتم سُنة لكن أنا وجودي " فرض "....هههههههههههههههه

(هديه للنظام الديمقراطي....وحريه الاختيار والتعبير)

======================================
(-واحد لقي مصباح علاء الدين ودعكه..
فطلع الجني وقاله انت تطلب ايه..
قاله: تطلع امريكا من العراق...
الجني: بس انا مليش دعوه بالسياسه..
قال:طيب انا خريج 1999 وعايز شغل
الجني:تحب اطلع امريكا من العراق امتي...ههههههههههههههههههههههه

(حتي مصباح علاء الدين مش حل....هديه لنظام الوسطي ودوله الافراد)

جميله ورائعه وبدايه موفقه لك اخي أتحفنا
أضحك الله سنك

ههههههههههههههههههههه
مشكور على النكت !!!!